زيارات طبيعية لموقعك هي سر نجاحك / الجمهور المستهدف 

زيارات طبيعية لموقعك هي سر نجاحك / الجمهور المستهدف 

 الزائر الطبيعى بيقول ايه : انا محتاج حلوياتك يا معلم بس للاسف انت كلامك مش واحد وكده هقول عليك انك بوشين

: انا محتاج ملخص خبرتك فى الموضوع ده بالذات يفيدنى ويساعدنى ويقنعنى بس للاسف انت بتلون وتجود فى كلامك ومش ثابت على شىء

: انا متابعك كويس ونفسى استفاد منك بس بحتار معاك كتير لما بشوف كلامك ع الفيس وادخل عندك ف الموقع الاقى كلام تانى خالص - وادخل عندك على تويتر بشوف كلام ثالث خالص واروح عندك على بينتريست الاقى كلام رابع خالص وفى المنتدى بشوف كلام خامس مختلف

طب انا هصدق كلامك ازاى واتفاعل معاك ازاى وانت بتغير كلامك على كل لون بالشكل ده

طب نشوف كده رد الناشر على الكلام ده يمكن نقتنع بوجهه نظره

الناشر: انا بحاول اغير فى الصياغه علشان ميبقاش فى نسخ مكرر على اكثر من موقع للمشاركه التفاعليه واحسس الزائر ان فى كسر للنمط وتغيير فى الصياغه لمنع الملل والتكرار

كده احنا عرضنا وجهه نظر الزائر والناشر بس لسه وجهه نظر جوجل يمكن نوصل لشىء مشترك

جوجل بيقول ايه : التفاعل والسلوك الحميد فى إطار المنظومه الخدميه اللى تخلى الزائر مبسوط ومتنهى وواخد حقه وزياده - لان لما الزائر ينبسط هيحب محرك البحث ولما يحب محرك البحث هنلاقى معلنين يتصارعو على شراء مساحه اعلانيه لهم ضمن نتائج البحث العليا فنقدر نبيع اكثر ونتشجع اننا نبدع اكثر ونضم ناشرين اكثر علشان يبدعو اكتر واكتر فالمنظومه تنجح اكثر والزائر يستفاد اكثر بمجانيه الحصول على كل ما يريده فى اى وقت

وجهه نظر التكنولوجيا بقا وهى الفيصل فى هذا الموضوع بتقول ايه

1- مفهوم الانترنت انه قائم على فكره تبادل ومشاركه المعلومات بين جميع الاشخاص الذين يستخدمون الشبكه فى اى مكان فى العالم وفى اى زمان مهما كانت اللغه او الجنس او الثقافه

يعنى انا وانت من حقنا تبادل ومشاركه اى معلومه متاحه والاستفاده منها سواء بتطبيق هذه المعلومه كمعامله شخصيه لنا او مشاركتها مع اشخاص اخرين ليس لديهم علم بها حتى الان

علشان اللى مش عارف المعلومه او الخبر يبدء يعرفها ويفهمها بعد هذه المشاركه

2- تم تقسيم مواقع وصفحات الانترنت الى اجزاء مختلفه كنظام اداره محتوى متعدد

نظام اداره المحتوى مواقع web.1

وهو النظام الاكثر انتشارا - مواقع ومدونات الويب العامه او المتخصصه والتى لديك كامل التحكم فيها بالنسبه لنشر المحتوى والتعامل به والنطاق المخصص المملوك لك زى مواقع وورد بريس او مواقع التجاره الالكترونيه

نظام اداره المحتوى الثانوى مواقع web.2

وهو نظام منتشر جدا ايضا ولكنه تابع لمواقع ونطاقات عملاقه تسمح باضافه محتوى من انشاء المستخدمين ومشاركته باستمرار زى مواقع تمبلر ولينكدان وجوجل سايت وجوجل جروب ومواقع الانشطه التجاريه على جوجل ومنتدى رديت وباقى المنتدريات وغيرها كتير

نظام مواقع المشاركه الاجتماعيه - زى فيسبوك وتويتر وبينتريست وغيرها كتير

وهو نظام مشاركه الروابط الاصليه من مواقع ويب 1 وويب 2 القابله لمشاركه البيانات الاصليه كما هى دون تغيير - لان فى حاله التغيير لن تعتبر مشاركه على الاطلاق

نظام الاسئله والاستفسارات السريعه - زى اسئله قره واسئله ياهو

وهو نظام الوجبات السريعه والذى يعطى اتاحه لوجود اجابات شامله ومتنوعه من وجهات النظر المختلفه

من هنا نقدر نقول ان اى محتوى بتعمله وحابب تشاركه على انظمه ادراه المحتوى المختلفه لابد ان تشارك المحتوى الاصلى المطابق دون اى تغيير ودون الخوف من احتسابه انه تكرار او استنساخ لان المحتوى الاصلى هو الحلويات التى صنعتها ولابد ان يتذوقها كل متابعينك فى اى مكان

فلو انت شايف ان محتواك الاصلى هو خلاصه خبرتك الكامله هنا فلماذا تقوم بتغييره هناك

طب لو انت شايف ان محتواك الاصلى الذى يليق بالموقع الاساسى لا يليق بزائر تويتر او الفيسبوك فيجب عليك مراجعته لكى يليق بكل زائر موجود فى اى مكان

الخلاصه: يتوجب عليك نشر ومشاركه المحتوى الاصلى كما هو دون تغيير على جميع اماكن الانترنت التى تتوقع فيها وجود تفاعل بالنشر الرباعى

الرابط هو نفس رابطك الموضوع الاصلى

العنوان هو نفس عنوان الموضوع الاصلى

الوصف هو نفس وصف الموضوع الاصلى

الصوره هى نفس صوره الموضوع الاصلى

بدون تجويد - بدون تغيير - بدون تضليل - بدون تشكيك ستضمن تفاعلات حقيقيه وسلوكيات نافعه واكتساب ثقه الجميع والاستمرار الدائم -

افتح موقعك الاقيك ثابت على موقفك واد كلامك - اروح الفيس الاقيك راجل قد كلمتك - اروح تويتر ابقى مطمئن انك نفس الخبره ونفس الاداء - فى الاخر احبك واخلى جوجل يحبك واجيب ناس تحبك لانك شخص بوش واحد ووجهه نظر واحده وخبره واحده وكلامك واحد

تعديل المقال