أرضعونا في الطفولة
حكايات "علي بابا " وأمنا الغولة
وابو رجل مسلوخه والبنت الكسوله
والشاطر عزيز والشاطرة عزيزة
حكايات رعب مش لذيذة
حكاية زوجة الأب الخبيثه
زوجة ما تعرفشي غير العيبة
مش فاهمة معنى أمومة
ولا تضحكشي زي البومة
سحرت زوجها زي الحاوي
القتل بقى شئ عادي
دبحت الشاطر عزيز
وفي الحلة طبخته
وفي زلعة مليانة حطته وقدمت لحمه لجوزها علي العشا
كانت فرحانه بتغني مدندشه
جه الاب ودخل اودته علشان ينام سمع صوت يغني
انا العصفور الاخضر امشي علي السور واتمخطر
مرات ابويا دبحتنى وسلقتنى وطبختنى وابويا اكل مني
قام الاب على مراته دبحها بكل سهوله
للاسف حكايه وحفظنها من الطفوله
جيل وراء جيل عن البطوله
مره نقول عليها حلوة
ومرة نقول عليها ملتوته
اصل رواه حكايتانا ملاعين ولاد اللذينة.
د. وجيه جرجس